BACOLOD CITY – Nasapwan nga patay kag may mga igo sang bala kag buno ang isa ka lalaki sa Prk, Cagaycay, Brgy. 2, Bacolod City mga las 4:20 sini gid lamang nga kaagahon.
Ang biktima nga nakilala gid lamang kay Alyas Julius ang nag-angkon sang pilas tuga sang pagtiro sa iya dalunggan kag hawak subong man igo sang buno sa iya nawala nga dughan kag likod.
Suno sa hepe sang Police Station 2 nga si Police C/Insp. Benedicto Villarias, Jr. nga pasado las 4 kaina sang kaagahon nakabaton sila sang report nga may shooting incident malapit sa basketball court sang Brgy. 2.
Sa pag-abot sang police, didto kag nakita ang nagahuray-ad na nga biktima kag puno sang pilas.
Ginpahayag pa gid ni Villarias nga isa sa motibo sang krimen nga ila ginalantaw amo nga may utang sa druga ang biktima rason nga ini ang ginbuno kag gintiro./dyHB BACOLOD
