Sa pamahayag ni Edgar Augustine Neri II, SK Federation President sa munisipyo sa Talakag, atol sa interview, gibutyag niya nga importante kaayo ang pagpabakuna batok sa Covid-19, ug suportado gayud nila ang pagbakuna sa mga bata nag-edad 5 hangtud 11 anyos.
Dugang niya nga isip usab pagtabang aron maaghat ang mga kabataan sa maong edad, gaprovide sila og mga mascot ug lain pang mga gimik aron nga mawala ang kahadlok, kabalaka, ug mapulihan kini og pag-engganyo sa pagpabakuna.
Gapanghatag usab sila og mga loot bags pagpakita sa ilang kalipay sa pagpabakuna.
Sa pikas nga bahin, gipakita usab sa SK-Talakag ang ilang suporta sa programang Retooled Community Support Program (RCSP) sa kapulisan aron nga mabatokan ang mga pagpangdani sa mga walhong grupo sa New People’s Army (NPA) ngadto sa mga kabataan.
