BACOLOD CITY – Nagpatigayon sang clean up drive kag pagpaminta sa mga pader ang Police Station 2 diri sa Bacolod matapos nga gintalakay sang dyHB ang issue sang nagalala nga vandalism ukon pagpangkuris-kuris sa mga pader.
Ang mga pader malapit sa Police Station 2 nga nahamtang sa dalan B.S Aquino Drive-Aguinaldo ang pila gid lamang sa mga apektado sang vandalism sa ciudad kag ini ang gintalakay sang DYHB kag ginpalayag sa Facebook Live sa dyHB Tatak RMN Page.
Ini ang naghatag sang awareness sa mga katapo sang Station 2 gani gilayon sila nga nagpatigayon sang clean-up drive kag nagpaminta sa pagpamuno mismo sang ila station commander nga si Police C/Insp. Benedicto Villarias, Jr. upod ang mga barangay officials kag Police Community Relations Office sang Bacolod City Police Office.
Angut sini, ginklaro ni Villarias nga antes pa man nakasaylo ang Station 2 sa ila bag-o nga police station, may mga kuris-kuris na nga daan sa pader ukon may vandalism na diri.
