BACOLOD CITY – Ginpahayag ni Bacolod City Vice Mayor El Cid Familiaran nga willing siya nga i-donate ang iya mga ido agud nga gamiton bilang K-9 dogs ukon bomb sniffing dogs sang ciudad sang Bacolod.
Ini kasunod sang kamatuuran nga apesar sang estado sang Bacolod nga isa ka highly urbanized city, wala ini sang bisan isa ka K-9 nga ido.
Suno kay Vice Mayor Familiaran nga may yara siya sang duha ka high breed nga mga ido nga nagabusong kag manugbata na.
Siling sang bise alkalde, willing siya nga ihatag ini kag sa tion nga batunon ini sang pulis, yara na sa ila posisyon ang pagkuha sang trainer sini.
Sa pihak nga bahin, gin-ako man ni Vice Mayor Familiaran nga isa ka daku nga problema karon sang ciudad amo ang trapiko gani dapat ini nga tutukan.
Pahayag niya nga nahangpan sini ang frustration sang mga motorista kag commuters apang sa gihapon nagahingyo ini nga dapat may disiplina ang tagsa-tagsa.
Tags: Visayas, dyhb, bacolod, k9, pulis, familiaran
