Davao City – Patay ang usa ka vendor human na-neutralisa sa mga operatiba San Pedro Police Station sa joint buy bust operation alas 6:15 sa gabii (Marso 26,2021), kauban ang personahe sa PDEA-XI sa Purok 13, Sto. NiƱo, Don Isidro Village, Brgy. 5-A, Bankerohan syuda sa Davao.
Suspek nailang Robert Lucero, 35 anyos, alias “Barok”, residente sa nasangpit nga lugar.
Sumala pa napalitan ang suspek og usa ka sachet nga gituohang shabu apan misukol sa mga awtoridad ug gipusil ang poseur buyer nga police, apan abtik nakabalus ang back-up nga pulis nga miresulta sa kamatayon niini.
Gikonsidera sa kapulisan ang suspek nga usa ka street value target ug naghupot sa armas nga walay mga dukomento ug kalapasan sa RA 10591 (Kontra Boga) ug RA 9165.
Narekober sa SOCO ang .38 smith and wasson revolver, mga bala ug laing usa ka dakong pakete shabu nga motimbang sa 11 gramos ug mokantidad sa kapin P12K, lakip nakumpiska ang mga illegal drugs paraphernalia.
RadyoMan Don Pulayao
