TALISAY CITY, NEGROS OCCIDENTAL – Ginpasiguro ni Pangulong Rodrigo Duterte nga mangin kapartner siya sang Negros Occidental sa masunod nga mga tinuig matapos ang midterm elections sa 2019.
Ini ang ginpahayag ni Negros Occidental Vice Gov. Eugenio ‘Bong’ Lacson matapos nga gin-endorse na sang presidente ang iya kandidatura sa pagka-gobernador sang probinsya sa palaabuton nga eleksyon.
Sa isa ka private dinner nga gin-host sang pamilya Yanson sa ila beach front nga balay sa Brgy. Bubog, Talisay City, ginbayaw ni Pres. Duterte ang kamot ni Lacson sa atubang sang camera bilang pagpakita sang suporta sa kandidatura sang bise-gobernador.
Suno kay Lacson nga sa ila pagsugilanon sa pangulo, iya ini ginpangabay nga buligan ang Negros pagkatapos sang eleksyon sa May 2019 kag wala sang papangduha-duha nga naghatag sang positibo nga sabat si Pres. Duterte nga magabulig ini sa probinsya./Photo posted by Negros Daily Bulletin
