Polomolok, South Cotabato–Bunkag ang pipila ka parte sa lawas sa usa ka Engineer nga si Eng. Vincent Claus Degula, 40 anyos, lumad nga taga Cebu ug temporaryong nagpuyo sa Prk. Hechanova, Barangay Poblacion, Polomolok, South Cotabato, partikular na ang tiyan nga bahin ug putol usab ang usa niini ka tiil sa walang bahin human nga nabuthan sa gikaingong vintage bomb kagahapong adlawa.
Kahibaloan nga pasado alas 9:00 sa buntag kagahapong adlawa sa Sitio Lamcuah, Brgy. Maligo, Polomolok. Nahitabo ang kusog nga pagbuto sa vintage bomb nga dunay gitas-on nga 1 foot sa panimaly ni Joseph Namion, dihang gisander matud pa sa biktima .
Sumala pa ni Inday tag-iya sa balay nga dili nila personal nga kaila ang Engr, gumikan kay una nila kining nakita sa lugar ug wala usab niini nakit-an ang biktima nga adunay dalang gikaingong bomba gumikan kay duna kini gitambongan nga meeting ug ang nabilin lang sa ilang balay mao ang iyang bana nga wala usab nakaila sa nasampit. Aduna matud pay giubanan ang engineer nga may kaila sa ilang lugar.
May nalang gani gisugo sa Engr. ang iyang bana nga mopalit ug kape ug sa pagpauli niini nadunggan na lamang ang kusog nga buto ug nalagpot pa kini tungod sa kakusog sa impact.
Samtang saysay usab ni TaTa nga usa sa residente sa lugar nga iyang nakita ang engineer nga nagsige ug balik-balik sa iyang sakyanan apan wala niini nakita ang gikaingong bomba iya lamang nadunggan ang kusog nga buto ug ang patay’ng laws sa engineer nga naghayang na sa lugar.
Saysay man usab ni Neneng nga kauban matud pa sa biktima niadtong higayona ang pastor nga si Moises Villar ug ang ginganlag nonong nga mao ang nakaila sa biktima ug miadto lang sa lugar gumikan kay dunay yuta nga gustong paliton sa biktima apan wala sila nasayod nga mao diay ang iyang himoon.
Samtang sa Pikas Bahin, gibutyag ni Police Lt. Col. Marvin Duadua labaw sa Polomolok PNP nga padayon ang ilang imbestigasyon aron masuta kung asa nakuha sa biktima ang vintage bomb ug ang pagpangita nila sa kauban niining si Nonong nga kaila sa bitkima nga sa karun wala na hingkit-an aron nga makuhaan ug pahayag bahin sa posibleng kasayuran niini asa nakit-an ang maong vintage bomb.
Nagtuo si Duadua nga gikan sa engineer kadtong vintage bomb nga iyang gisander sa pamasin nga bulawan ang sulod gani gibadlong pa kini sa pastor nga kauban niini niadtong higayona nga dili ablihan kay basi mubuto apan wala nagpatuo ang biktima ug walay werte kay mibusikad ang bomba nga miresulta sa pagkabungkag sa parte sa iyang lawas ug pagkaputol sa iyang usa ka tiil nga miasangko sa iyang kamatayon.(Reynald Timario)
