Voter’s registration alang sa 2019 nga piliay, sugdan karong Hulyo dos ning tuiga

*Magsugod na sa Hulyo dos ning tuiga ang pagpangrehistro sa mga botante nga buot mobotar alang sa May 13, 2019 nga National ug Local Elections.*

Kini human gipahibalo sa Commission on Elections o COMELEC nga subli nilang ipadayon ang ang voter’s registration sa Hulyo dos ning tuiga.

Apan walay mahitabong pagpangrehistro sa Marawi City ug Lanao del Sur tungod sa kasamtangang kahimtang sa sitwasyon sa kalinaw sa maong mga probinsya.

Matud ni Comelec Spokesperson James Jimenez nga molungtad sa tulo ka bulan ang voter’s registration o hangtud sa Setyembre 29 ning tuiga.