Reaksyon ni Negros Occidental Vice Governor Jeffrey Ferrer angut sa Executive Order (EO) # 30 nga ginpagwa ni Bacolod City Mayor Evelio Leonardia sa pag implement sang home quarantine pass (HQP) paagi sa number coding para ma-control ang pagdamo sang salakyan kag tawo nga nagagwa kag makit-an sa dalanon sang syudad.
Suno kay Ferrer, may mga gin tagaan sang quarantine pass ang probinsya nga naga istar sa Bacolod katulad sang may mga negosyo sa gwa sang syudad kag ang iban sugar planters nga kada adlaw naga padulong sa ila mga hacienda nga maapektuhan sang number coding kag ang iban naga transaksyon sa bangko kag kun hulaton pa ang HQP schedule maapektuhan dire ang ila nga transaksyon.
Dugang pa ni Ferrer, dapat kuntani maghimo sang coordination ang syudad sang Bacolod sa probinsya sa ano man nga EO ukon lihok nga ipagwa tungod naga tuga ini sang kunplikto.
Buas Miyerkules may pagahimuon nga meeting ang Inter Agency Task Force, Provincial Incident Management Team upod sa provincial officials kag gin imbitar dire ang mga opisyales sang syudad sang Bacolod para ipalab-ot ang amo nga concern sang taga probinsya.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
