Mag-atubang sa silot ang si kinsa mang mga tawo nga mosulod sa Cagayan de Oro nga walay face mask.
Kini human gipirmahan ni Mayor Oscar Moreno kagahapon ang Ordinance number 13849-2020, nga nagmando alang sa mandatory nga pag-gamit sa face mask ni bisan kinsang mga tawo nga mosulod dinhi sa syudad gikan sa lain laing probinsya sa Region 10.
Lakip sa dakpon, kadtong mga tawo nga mosulod sa mga Public Places, sama sa mga merkado, terminal, public plaza ug government facilities.
Tumong sa maong ordinansa nga makalikay ang mga tawo ning syudad nga matakdan o makatakod sa Coronavirus Disease o COVID-19.
Kadtong violators sa maong ordinansa silotan ug mag-serbisyo sa gitawag nga community service sa duha ka oras alang sa unang sala, upat ka oras sa ika duhang sala ug walo ka oras sa ika tulong sala.
Sa Press Conference sa city hall kagahapon, gipahayag ni Mayor Moreno nga ang City hall manghatag sa dili mo minus 200-mil ka face masks.
Apan gipasabot sa Mayor nga kining face mask, dili panghospital apan magamit na kini kontra sa pagtakod takod sa Covid-19.
-o0o-
