Gihimo kagahapon ning syudad sa Cagayan de Oro ang Walk for Peace nga gisalmotan sa mga pari, madre, muslim leaders, mga pulis, sundalo, mga kabataan ug uban pang grupo.
Kini kabahin sa kasaulogan sa Mindanao Week of Peace 2018 nga dunay temang Human Security, The Agenda for Peace and Hope.
Matud ni Mohammad Gondarangin, Presidente sa Oro Jamah Association nga gisuportahan sa mga Muslim ang tinuig nga selebrasyon tungod kay usa kini ka wake-up call sa tanan nga gikinhanglang himoon ang ilang parte aron maproteksyonan ang syudad ug Mindanao ug himoong malinawon ang Southern Philippines.
Gibutyag usab ni Columbian priest Fr. Paul Glenn nga tumong sa Mindanao Week of Peace Celebration nga ipakita sa tibuok kalibutan nga malinawon ang Mindanao.
