Davao City – Walo ka mga high value target ang nadakpan sa gilusad nga joint drug buy bust operation sa San Pedro Police Station ug Phillipine Drug Enforcement Agency (PDEA-XI) human naaktuhan ang mga suspect nga nag-pot session sulod sa usa ka kwarto nga gihimong drug den sa Purok 13, Savina, Brgy. 76-A Bucana, syudad sa Davao.
Mga dinakpan mao sila Milky Manto, alias Em Em, 34 anyos; Alvin Manto, 42 anyos; Reynaldo Manto, 48 anyos; Bren Fajardo, 34 anyos; Jeamon Dalhog, 24 anyos; Sunny Tagaro, 23 anyos; Angelito Estenzo, 23 anyos; ug Alan Santos, 30 anyos, pulos residente sa nasangpit nga lugar.
Sumala pa napalitan sa kapulisan og usa ka sachet nga shabu kambiyo ang ang P29,000.00 nga buy bust money.
Narecover usab ang laing dul-an 20 ka pakete nga shabu nga motimbang sa 17 gramos nga dunay estimated street market value nga P272,000.00.
Lakip nakompiska ang mga illegal drugs paraphernalia.
Ang walo ka dinakpan mag-atubang sa kasong kalapasan sa Section 5 ug 15 sa R.A. 9165 (Comprehensive Dangerous Drugs Act of 2002).
RadyoMaN Don Pulayao
