Walo ka mga establishemento dire sa probinsya ang ginapaisplikar sang Department of Trade and Industry ukon DTI South Cotabato paagi sa pag-isyu sa ila sang letter of inquiries sa subong tungod naglampas ang mga ini sa suggested retail price sang ginabaligya nga prime kag basic commodities base sa monitoring sang ahensya sa tunga sang COVID-19 pandemic.
Suno kay Januel King Vertido, Trade and Industry Development Analyst sang DTI South Cotabato sa walo kag mga establishemento apat na sa mga ini ang nagreply kag najustify naman suno pa ang paglampas sa SRP sang ginabaligya nga sardinas, corned beef, beef loaf, asin kag iban pa nga ang rason angtungod nagmahal na suno pa ang presyo sang mga supplier sini.
Samtang sa tion nga majustify suno kay Vertido sang mga establishemento ang paglampas sa SRP sang ginabaligya nga produkto ang wala naman suno pa sang problema.
Ginkumpirmar niya man nga wala pa sang ginpaggwa nga panibag-o nga suggested retail price ukon SRP ang DTI national sa presyo sang mga prime kag basic commodities.
