Walo ka mga miyembro sa komunistang NPA ang boluntaryong mi-surrender sa 1st Special Forces Battalion, Special Forces Regiment sa Purok 2, Barangay Mendis, Pangantucan, Bukidnon ala 1:20 ang takna kagahapon sa hapon.
Dala sa maong mga NPA ang pito ka high-powered firearms nga gilangkoban sa usa ka Calibre 30 M1 Garand Rifle nga dunay unom ka buhing bala, usa ka Calibre 30 M2 Carbine nga dunay usa ka magazine ug lima ka buhing bala, usa ka calibre 45 improvised rifle nga dunay usa ka magazine ug lima ka buhing bala, usa ka folded calibre 9mm KG-9 submachine gun nga dunay usa ka magazine ug tulo ka buhing bala, duha ka locally made Calibre 9mm Baby Ingram submachine gun nga dunay duha ka magazine ug unom ka buhing bala ug usa ka improvised M79 grenade launcher.
Ang maong mga surrenderees parehong miyembro sa Militia ng Bayan sa Company 3 ug Sub-Regional Committee 4, Northern Central Mindanao Regional Committee.
Ang walo ka mga surrenderee mao silang Alias Joseph,Alias Jando, Alias Felipe, Alias Jaguar, Alias John/ Jomar, Alias ribs, Alias Rex ug si Alias Gamara.
Gibutyag ni Alias Jaguar nga dili niini gustong walay padulngan ang ilang mga anak maong mibalik sila sa sabakan sa gobyerno pinaagi sa 1st Special Forces Battalion nga giunhan ni Commander Lt. Col. Sergio Macarandan Jr.
