Walong Pilipinong Scientists, pasok sa outstanding researchers sa Asya

Walong Pilipinong scientist ang nakapasok sa listahan ng “most outstanding researchers” ng Asian Scientist Magazine.

Ayon sa Singapore-Based Magazine, tampok sa listahan ang tagumpay ng mga mahuhusay at magagaling na scientists.

Para makilala ng Asian 100 Scientists List, ang honouree ay kailangang nakatanggap ng national o international prize para sa kanyang research.

Mayroon din dapat siyang malaking scientific discovery o nagbigay ng leadership sa academia o industriya.

Narito ang mga Pilipinong Scientists na pumasok sa listahan:

1. Dr. Annabelle Briones ng Department of Science and Technology – Industrial Technology Development Institute (DOST-ITDI) – ginawaran ng 2020 Gregorio Y. Zara Award for Applied Science Researh dahil sa pagdisensyo ng mosquito ovicidal/larvicidal trap na layong mabawasan ang dengue fever incidence sa bansa.

2. Francis Aldrine Uy ng Mapua University – nakatanggap ng 2020 David M. Consunji Award for Engineering Researh para sa kanyang engineering at innovation projects, kabilang ang isang sensor na nagmo-monitor ng structural integrity ng mga gusali.

3. Desiree Hautea ng University of the Philippines Los Baños – ginawaran ng 2020 Lead Agriculture Award ng Philippine Association for the Advancement of Science and Technology para sa kanyang research kaugnay sa genetically modified Bt eggplant sa Pilipinas.

4. Sandra Teresa Navarra ng University of Santo Tomas Hospital – nakakuha ng Dr. Paulo C. Campos Award for Health Research ng Philippine Association para sa Advancement ng Science and Technology para sa kanilang research kaugnay sa lupus.

5. Salvacion Gatchalian ng Research Institute for Tropical Medicine (RITM) – kabilang sa mga frontline doctors na namatay sa COVID-19 noong nakaraang taon. Ginawaran siya ng Dr. Lourdes Espiritu Campos Award for Public Health para sa kanyang adbokasiya sa tobacco control at pagbabakuna ng mga bata

6. Kathleen Aviso ng De La Salle University – nakakuha ng 2020 Dr. Michael Purvis Award for Sustainability Research para sa kanyang mahahalagang kontribusyon sa environmental systems engineering at developing novel optimization models.

7. Edgardo Vasquez ng Vazbuild Technology – nakatanggap ng 2020 Ceferino Follosco Award for Product and Process Innovation. Nakilala siya sa mga matitibay na modular housing.

8. Jonel Saludes ng University of San Augustin – awardee ng 2020 Gregorio Y. Zara Award for Basic Science Research para sa kanyang pananaliksik sa chemical biology ng natural products mula sa organisms.