Mahayag, Zamboanga del Sur – Human sa pipila ka tuig nga pagtago-tago, malampusong nadakpan sa hiniusang pwersa sa mga personahe sa Mahayag MPS ug sa 902nd MC, RMFB9 ang usa ka wanted person sa gilusad nga manhunt operation alas 12:30 sa hapon kaniadtong nakalabayng adlaw didto sa Purok 5 Brgy. Poblacion, Mahayag, Zamboanga del Sur.
Ang dinakpan nailang si JOHNNY BUAC BACAD, 44 anyos, usa ka mag-uuma ug residente sa Purok Greenhills, Brgy. San Isidro, Mahayag, Zamboanga del Sur.
Gidakop si Bacad pinasikad sa gahum sa warrant of arrest alang sa kasong Rape kon Pagpanlugos ubos sa criminal case number 2621-m nga gipagawas ni Judge Ricardo Salvanera, sa 11th MCTC (Mahayag-Dumingag and Josefina), Zamboanga del Sur kaniadto pang Hulyo 5, 1996.
Walay pyansa nga girekomenda ang Korte alang sa temporaryong kagawasan sa dinakpan.
Ang dinakpan ang kasamtangang gikustodiya pa gihapon sa Mahayag MPS alang sa tukmang disposisyon.
