Dakpan sa police operation ang usa ka senior citizen tungod sa ilegal nga druga.
Matud ni Senior Inspector Ismael Virgil Gundaya nga ang suspek mao si Edwin Lago, 60 anyos nga taga Purok 2, Baliwagan, Balingasag Misamis Oriental.
Matud ni Gundaya, nga mga alas 7:15 sa gabi-e niadtong Domingo, naglunsad sa Joint police Operation sa Barangay Baliwagan ang kapulisan sa Balingasag ug Intelligence Unit sa Misamis Oriental Provincial Police office nga niresulta sa pagkasikop sa maong suspek.
Matud ni Gundaya nga si Lago ilang nasikop pinaagi sa search warrant nga gi-issue sa usa ka huwes sa Gingoog city.
Nakuha sa mga pulis gikan sa maong suspek ang upat ka pakite sa gituohang shabu, 500 pesos ug mga drug paraphernalia.
Si Lago detinado sa Balingasag Municipal Police Station ug mag-atobang sa kasong illegal possession of prohibited drugs.
By: RadyoMaN Nitz Arancon
