Jamindan, Capiz – Sa presohan ang tupa sang isa ka persona nga wanted bangud sa ginapangatubang sini nga kaso alas 9:30 sang aga sa Brgy. Guadalupe, Janiuay, Iloilo.
Arestado sang ginhugpong nga pwersa sang Jamindan Police Station, 603rd Mobile Force Company, RMFB-6 ang wanted person nga ginkilala kay Rodulfo Sarandona y Sonio, 59-anyos residente sang Brgy. Jaena Norte, Jamindan, Capiz.
Ang warrant of arrest sini ang gin-issue kag pirmado ni Judge Esperanza Isabel Poco-Deslate sang RTC Branch 20, Mambusao, Capiz.
Ang amo nga persona ang temporaryo nga nagapuyo sa Janiuay, Iloilo kag nagapangatubang tatlo ka counts sang kaso nga Sexual Assault kag bayolasyon sa RA 7610 ukon “Special Protection of Children Against Abuse, Exploitation and Discrimination Act.”
Nagalab-ot sa kabug-osan nga P680,000 pesos ang piyansa nga ginrekomendar sang hukmanan para sa temporary sini nga kahilwayan para sa apat tanan ka mga kaso.
