General Santos City–Malampusong nasikop sa naghiusang pwersa sa General Santos City Police Office, RPDEU 12, Tupi Municipal Police Station ug Polomolok Police Station ang top 10 most wanted sa syudad sa Gensan sa ilahang gipahigayon nga operasyon alas 10:00 ang takna sa buntag sa Prk. Masunurin Upper Clinan Polomolok South Cotabato.
Giila ni Police Major Rexor Canoy ang tigpamaba sa General Santos City Police Office ang nahisgutang suspect nga si Bobby Romano Zabala, 34 anyos ug nanimuyo sa Barangay Upper Klinan, Polomolok South Cotabato kung asa nag-atubang kini ug kasong pagsupak sa RA 9165 sec 11 ug 12 kon Comprehensive Dangerous Drugs Act of 2002.
Dugang pa ni Canoy nga makapila naman usab nga higayon gi-operasyonan ang nahisgutang suspect human makasibat kini sa unang operasyon sa kapulisan sa usa ka lodging house ning syudad apan nakasibat lang.
Human matud pa mi gawas ang warrant or arrest niini nakig coordinate na ang gscpo sa kasigbit nga mga police station aron usab ma serve ang warrant of arrest sa nahisgutang suspect nga gi issue ni Hon Judge Joyce Kho Mirabueno sa RTC branch 58.
Dugang pa ni Canoy nga tungod sa pag tabang sa ilahang counterpart sa ubang lugar ug impormasyon gikan sa mga sibilyan dili gayud masikop ang nahisgutan nga suspect.
Sa kasamtangan nag tingkagol ang nahisutang suspect sa selda sa police station 1 samtang gipaabot nalang nga magpakanaog ug commitment order niini gikan sa korte aron nga mabalhin kini sa Lanton Reformatory Center o makapyansa kini ug 240,000 pesos alang sa iyahang timporaryong kagawasan.(Dave Silagan)
