Gitingkagul na karon sa prisuhan ang wanted nga nadakpan sa kasong Attempted Homicide atol sa operasyong gipahigayon sa mga kapulisan pasado alas 11:15 sa buntag adtong Martes, didto sa Purok-1, Barangay Poblacion, Libona, Bukidnon.
Giila ang suspetsadong nadakpan nga si Leo Caibigan, 27 anyos, ulitawo, laborer, ug residente sa Purok-1, Sitio Lapinigan, Barangay Pongol, Libona, Bukidnon.
Ang suspek ang nadakpan pinaagi sa warrant of arrest sa kasong Attempted Homicide nga nakadokit ilawom sa criminal case no. 20-8539, nga gipirmahan ug gi-issue ni Mariflo S. Agreda, Presiding Judge sa 2nd Municipal and City Trial Court, Manolo Fortich-Libona, Bukidnon pinitsahan Hunyo 22, 2022 nga adunay girekomendang piyansa nga mukabat sa P36,000.00 alang sa temporaryong kagawasan.
Anaa na sa kustodiya sa Libona Municipal Police Station ang suspetsado alang sa tokmang disposasyon.
Facebook Comments
