Libacao, Aklan — Arestado rong sangka wanted kaina it aga-aga sa Sitio Kayawyaw, Brgy. Ogsip, Libacao, Aklan.
Rong akusado nakilaea kay Ernanie Zausa y Apolinario, 45-anyos, construction worker ag residente man it nasambit nga lugar.
Natigayon nga maaresto rong akusado ko mga katapos it Libacao Municipal Police Station, CIDG-Aklan, PHPT-Aklan, PIDMB Aklan PPO Trackers Team, Numancia MPS ag PIB Palawan PPO pinaagi sa bisa kung warrant of arrest nga may Criminal Case No. 30992 sa kasong Frustrated Murder nga gin issue ni Judge Leah E. Delos Reyes-Baguyo it Branch 48, 4th Judicial Region, RTC of Palawan ag Puerto Princesa City nga may petsang Abril 3, 2018.
P 200,000.00 pesos ro pyansa nga gintaeana it korte para sa anang temporaryong kahilwayan.
Si Zausa hay igaturn-over man sa korteng natungdan.
