Kalibo, Aklan — Natigayon nga maaresto ko gintingub nga pwersa it Kalibo Police Station, Aklan PPO Trackers Team ag CIDG-Aklan rong sangka wanted sa Brgy. Andagao, Kalibo, Aklan.
Nakilaea rong akusado kay Jomer Gregorio y Puod alyas “Bong”, 35-anyos, construction worker, native it Brgy. Castillo, Makato ag presente nga naga istar sa Andagao, Kalibo.
Gin aresto si Gregorio ko mga kapulisan pinaagi sa bisa kung daywa ka warrant of arrest nga may criminal case # 14036 ag 14037 sa kasong Rape under sa Article 266-A 1 (d) it Revised Penal Code as Amended by R.A. 8353 nga gin permahan ni Hon. Judge Bienvenido P. Barrios Jr., Presiding Judge it RTC 6 Judicial Region, Branch 3, Kalibo, Aklan nga may petsang January 4, 2018.
Uwa it pyansa nga gintaea rong korte para sa anang temporaryong kahilwayan.
Si Gregorio hay gin turn over man sa korteng natungdan.
