Tantangan, South Cotabato–Nasikop sa hiniusang pwersa sa mga personahe sa Tantangan MPS ug South Cotabato Provincial Mobile Force Company ang usa ka wanted nga si Angelito Lagamon,47 anyos, minyo, driver ug nanimuyo sa Purok Masagana, Brgy. New Lambunao, Tantangan, South Cotabato.
Nasayran nga alas 10:10 sa buntag gi-serve sa otoridad ang Warrant Of Arrest sa nasampit sa kasong attempted homicide sa nahisgutang lugar dunay criminal case no.5114 nga giisyu ni Judge Glenn Quimba sa 2nd MCTC Banga,Tantangan, South Cotabato niadtong Nov.07,2019.
Dunay piyansang girekomneda ang korte nga mokabat sa 30,000 pesos alang sa temporaryong kagawasan sa dinakpan.
Sa kasamtangan nagtingkagol sa selda sa Tantangan PNP ang maong wanted samtang gipaabot na lamang sa kapulisan ang commitment order sa korte aron hingpit nga mabalhin sa South Cotabato Provincial Jail.
