BACOLOD CITY – Kapin 11 tanan ka sachet sang suspected shabu ang natigayon nga makuha gikan sa duha ka nadakpan nga mga drug personalities sa ginpatigayon nga buy bust operation las 6 kagab-i sa Purok Lampirong, Brgy. 2, Bacolod City.
Nakilala ang mga nadakpan nga sanday Ronell Dumali, alias Nonoy, 37 anyos ang edad, pumuluyo sang Purok Masagana, Brgy. 6 kag Jose Mari Jimera, 33 anyos ang edad pumuluyo naman sang Purok Boulevard, Brgy. 14, Bacolod City.
Nakuha sa mga suspek ang 4 ka daku nga sachet nga may suspected shabu, 7 ka elongated sachet sang ginasuspetsuhan shabu, 300 pesos nga proceeds kag 200 pesos nga buy bust money, lakip na ang improvised tooter.
Sa karon ang mga suspek detained na sa custodial facility sang Police Station 2./dyHB BACOLOD
