BACOLOD CITY – Nagapanimuron karon sa karsel ang tatlo ka mga suspek nga nadakpan sa ginpatigayon nga drug by bust operation pasado las 2 kaina sang kaagahon sa Purok 6, Brgy. Singcang Airport, Bacolod City.
Nakilala ang mga suspek nga sanday Jomar Benjamin, 33 anyos, James Roxas, 25 years old kag Jonathan Traje, 46 anyos ang edad.
Ginpahayag ni Police Station 8 station commander, Police C/Insp. Ruel Culanag, nakuha sa posesyon ang mga suspek ang masobra 3 ka sachet sang ginapatihan shabu, improvised tooter kag iban pa nga drug paraphernalia.
Suno kay Culanag, igapasaka gid sa Lunes ang kaso nga violation sang section 5 sang Republic Act 9165 batuk sa tatlo ka mga suspek.
Samtang sa Handumanan, ginapreparar na ang kaso nga igapasaka batuk sa nadakpan nga top 1 sa drug watchlist sa ginpatigayon nga buy bust operation las 2 kahapon sang hapon.
Detained na karon sa custodial facility ang suspek nga si Mary Liza Pahamutang, alias Miray, 33 anyos ang edad, pumuluyo sang Purok San Roque, Brgy. Handumanan, Bacolod City.
Ginpahayag ni Police Station 10 commander, C/Insp. Charles Gever nga madugay na nga gina-monitor sang police si Alias Miray bangud sa padayon niya sini nga pagbaligya sang shabu.
Sa amo nga operasyon, nakuha sa suspek ang apat ka small heat-sealed plastic sachet sang ginapatihan shabu, marked money kag mga drug paraphernalia.
Kaso nga violation sang section 5, 11 kag 12 sang Republic Act 9165 ukon Comprehensive Dangerous Drug Act ang kaso nga igapasaka batuk kay Alias Miray.
