Gi-served niadtong adlawng Sabado sa Criminal Investigation and Detection Group kon C-I-D-G Bukidnon ug kapolisan , ang warrant of arrest batok ni Barangay Mabuhay, Baungon Bukidnon Kapitan Rene Acuesta.
Atol sa operasyon, wala na maabti sa CIDG si Kapitan Acuesta, apan sa pahayag niini sa hepe sa Baungon Bukidnon dihang gitawagan, andam kini nga mosurender ug moatubang sa kaso.
Ang maong kaso ang gipakanaog sa RTC Branch 11 sa Manolo Fortich Bukidnon, kalabot na kasong murder massacre nga nahitabo niadtong tuig 2014 sa Mabuhay Bukidnon, nga gikamatay sa tulo ka tawo ug pagka-angol sa siyam ka tuig nga bata.
Nasayran nga nalangan sa pagpasaka ang kaso, tungod kay walay motestigo sa nasangpit nga barangay, sa kabalaka ug kahadlok nga resbakan ug balikan sa suspek.
Bag-ohay lamang pinaagi sa tabang sa CIDG Bukidnon, usa ka testigo ang wala na makaagwanta sa iyang konsensiya ang mipagawas sa iyang testimonya, hinungdan nga migawas ang warrant of arrest.
By; Radyoman Aiza Enloran
