6:05 AM 6AUG18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang duha ka Low Pressure Area (LPA) sulod sa Philippine Area of Responsibility (PAR) nga anaa sa gilay-ong 1,280 km Sidlakan (East) nga bahin sa Tuguegarao City, Cagayan ug 615 km Kasadpan (West) nga bahin sa Subic, Zambales ganihang 3:00 sa buntag.
Ang Northern Mindanao dili direktang apektado sa LPA ug Southwest Monsoon (HABAGAT) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Kasarangan (moderate) nga hangin gikan sa Habagatang kasadpan (Southwest) maoy mo-resulta sa 1.2 – 2.5 meters nga balud sa kadagatan sa Northern Mindanao.
Walay pag ulan sa CDO karong orasa.
Walay pag ulan sa Libona; Mampayag, Dahilayan ug Lindaban, Manolo Fortich karong orasa.
(Kining mga lugara mao ang tinubdan sa tubig nga makapabaha sa Lapasan paingon sa Bugo).
Walay pag ulan usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
