4:45 AM 17JULY18
Gipahibalo sa CDRRMD nga basi sa Weather Forecast sa PAGASA ganihang 4:00 sa buntag, ang sentro sa Bagyong (Tropical Depression) “HENRY” adunay gilay-ong 75 km Kasadpan Habagatang-kasadpan (West Southwest) nga bahin sa Calayan, Cagayan; kakusgong 60 kph, ug paglihok nga 20 kph Kasadpan (West) ganihang 3:00 sa buntag.
Samtang adunay gibantayang bag-ong Low Pressure Area (LPA) SULOD sa PAR nga anaa sa 825 km Sidlakan (East) nga bahin sa Infanta, Quezon ganihang 3:00 sa buntag.
Ang Northern Mindanao apektado sa Southwest Monsoon (HABAGAT) ug Trough sa LPA diin maka-sinati kini sa madag-umon nga kalangitan inubanan sa katag-katag nga pag ulan, kilat ug pagpanalugdog. Ang Bagyong (TD) “HENRY” dili direktang maka-apekto sa Northern Mindanao.
Kasarangan (moderate) ngadto sa kusog (kusog) nga hangin gikan sa Habagatang-kasadpan (Southwest) maoy mo-resulta sa 2.1 – 4.0 meters nga balud sa kadagatan sa Northern Mindanao.
Naka-sinati sa hinay (light) nga pag ulan ang ubang parti sa CDO karong orasa.
Nagpabiling mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Nagpabiling mapanganuron usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
