5:05 AM 26JULY18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR).
Adunay gibantayang Bagyo (International name SEVERE TROPICAL STORM “Jongdari”) GAWAS sa PAR nga anaa sa gilay-ong 1,640 km Sidlakan (East) nga bahin sa Extreme Northern Luzon; kakusgong 90 kph ug halos walay pag lihok ganihang 3:00 sa buntag.
Gamay ang posibilidad niini nga mo-landfall sa nasud.
Ang Northern Mindanao dili apektado sa Southwest Monsoon (HABAGAT) ug Trough sa Bagyong (STS “Jongdari”) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Habagatang kasadpan (Southwest) ngadto sa Kasadpan (West) maoy mo-resulta sa 0.6 – 2.1 meters nga balud sa kadagatan sa Northern Mindanao.
Matud sa CDRRMD nga mapanganuron ang ubang parti sa CDO karong orasa.
Mapanganuron sa ubang parti sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Mapanganuron usab sa ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
