6:05 AM 15MAR19
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) SULOD sa Philippine Area of Responsibility (PAR).
Samtang ang bag-ong LPA nga anaa GAWAS sa PAR adunay gilay-ong 2,100 km Sidlakan (East) nga bahin sa Mindanao ganihang 3:00 sa buntag. Ang LPA dako ang posibilidad nga mamahimong bagyo sulod sa 24-36 oras ug posibling mo-sulod sa PAR karong sabado o domingo.
Ang Northern Mindanao dili apektado sa Trough o extension sa LPA, Amihan (Northeast Monsoon) ug Tail-End of a Cold Front apan maka-sinati sa panalagsang pagdag-um ngadto na sa mapanganuron nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Sidlakan (East) ngadto sa Amihanang-sidlakan (Northeast) maoy mo-resulta sa 0.6 – 2.1 meters nga balud sa kadagatan sa Northern Mindanao.
Mapanganuron sa Cagayan de Oro karong orasa.
Madag-umon ang ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Madag-umon usab ang ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
