5:35 AM 29OCT2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Ang Northern Mindanao dili apektado sa Intertropical Convergence Zone (ITCZ) ug Northeasterly Surface Windflow apan makasinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan tungod sa “Localized Thunderstorms”.
Samtang ang gibantayang Bagyo (Tropical Depression) GAWAS sa PAR mikusog ug nahimo nang Tropical Storm (International name “GONI”). Kini anaa na sa gilay-ong 1,705 km Sidlakan (East) nga bahin sa Central Luzon; kakusgong 65 kph; ug paglihok nga 10 kph sa Kasadpan (Westward) ganihang 3:00 sa buntag. Ang bagyo posibling mo-sulod sa PAR karong adlawa (October 29) ug nganlang Bagyong “ROLLY”.
Hinay (light) ngadto sa kasarangan (moderate) nga hangin gikan Amihanang-sidlakan (Northeast) ngadto sa Amihanan (North) maoy mo-resulta sa 0.6 – 2.5 meters nga balud sa kadagatan sa Northern Mindanao.
Madag-umon ang Cagayan de Oro karong orasa.
Madag-umon sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Madag-umon usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
