5:20 PM 27NOV2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa hapon, walay bagyo o Low Pressure Area (LPA) sulod sa Philippine Area of Responsibility (PAR). Adunay gibantayang Bagyo (International name SEVERE TROPICAL STORM “Kammuri”) GAWAS sa PAR nga anaa sa gilay-ong 1,645 km Sidlakan (East) nga bahin sa Visayas; kakusgong 95 kph; ug paglihok nga 20 kph Kasadpan (West) ganihang 3:00 sa hapon.
Ang Northern Mindanao apektado sa Trough o Extension sa Bagyo ug tungod niini maka-sinati sa mapanganuron nga kalangitan inubanan sa katag-katag nga pag ulan ug panalugdog. Ang Amihan (Northeast Monsoon) dili direktang maka-apekto sa tibuok Mindanao.
Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) ngadto sa Amihanan (North) nga maoy mo-resulta sa 0.6 – 2.1 meters nga balud sa kadagatan sa Mindanao.
Nagpabiling madag-umon sa Cagayan de Oro karong orasa.
Madag-umon sa Libona; Mampayag, Dahilayan ug Lindaban, Manolo Fortich. (Kining mga lugara maao ang tinubdan sa tubig nga makapabaha sa Lapasan paingon sa Bugo).
Nagpabiling madag-umon sa Talakag ug Baungon. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
