5:10 AM 24APR2021
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa gibantanyang Bagyong (Severe Tropical Storm) “BISING” anaa na sa gilay-ong 945 km Sidlakan Amihanang-sidlakan (East Northeast) nga bahin sa Extreme Northern Luzon; kakusgong 100 kph; ug paglihok nga 10 kph Amihanang-sidlakan (Northeastward) ganihang 3:00 sa buntag. Ang bagyo posibiling mo-gawas sa PAR karong Dominggo sa buntag (April 25).
Ang tibuok Mindanao dili direktang apektado sa Bagyong (Severe Tropical Storm) “BISING” apan makasinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “Localized Thunderstorms”.
Hinay (light) ngadto sa kasarangan (moderate) nga hangin gikan sa Amihanang-kasadpan (Northwest) ngadto sa Habagatang-kasadpan (Southwest) nga maoy mo-resulta sa 0.6 – 2.1 meters nga balud sa kadagatan sa tibuok Mindanao.
Mapanganuron sa Cagayan de Oro karong orasa.
Mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Mapanganuron usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
