5:45 AM 18MAR2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang Bagyong (Tropical Depression) “CHEDENG” mihinay paglihok samtang nagpabilin sa iyang kakusgon.
Ang sentro sa Bagyo adunay gilay-ong 650 km Sidlakan (East) nga bahin sa Davao City; kakusgong 45 kph ug paglihok nga 15 kph Kasadpan (West) ganihang 4:00 sa buntag.
Ang bagyo posibling mag landfall sa Sidlakan (Eastern) nga bahin sa Davao Oriental ugma (March 19) sa buntag.
Ang Northern Mindanao maka-sinati sa mapanganuron nga kalangitan inubanan sa katag-katag nga pag ulan tungod sa TD “CHEDENG”. Ang Amihan (Northeast Monsoon) dili direktang maka-apekto sa Northern Mindanao.
Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) maoy mo-resulta sa 0.6 – 2.5 meters nga balud sa kadagatan sa Northern Mindanao.
Forecast Position:
24 Hour (Ugma sa buntag): 175 km East Southeast of Davao City
48 Hour (Myerkules sa buntag):15 km Southwest of Zamboanga City
Gi-wala na ang tanang Thunderstorm Advisories sa tibuok Mindanao, basi sa pahimangno sa PAGASA ganihang 4:00 sa buntag.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
