5:15 AM 5SEP2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa gibantayang Bagyo (TYPHOON) “LIWAYWAY” adunay gilay-ong 505 km Amihanang-sidlakan (Northeast) nga bahin sa Basco, Batanes; kakusgong 155 kph ug paglihok nga 10 kph Amihanan (North) ganihang 4:00 sa buntag. Ang Bagyo GAMAY ang posibilidad nga mo-landfall sa nasud ug posibling mo-gawas sa PAR karong Huwebes (September 5) sa hapon o gabii.
Samtang ang gibantayang Low Pressure Area (LPA) sulod sa PAR, anaa na sa gilay-ong 915 km Sidlakan Amihanang-sidlakan (East Northeast) nga bahin sa Hinatuan, Surigao del Sur ganihang 4:00 sa buntag. Ang LPA GAMAY ang tsansa nga mamahimong Bagyo sulod sa 24-48 oras.
Ang Northern Mindanao apektado sa Trough o extension sa LPA ug tungod niini maka-sinati sa madag-umon nga kalangitan inubanan sa katag katag nga pag ulan. Ang Bagyo ug Habagat (Southwest Monsoon) dili direktang maka-apekto sa Northern Mindanao.
Hinay (light) ngadto sa kasarangan (moderate) nga hangin gikan sa Habagat (South) ngadto sa Habagatang-kasadpan (Southwest) maoy mo-resulta sa 0.6 – 2.1 meters nga balud sa kadagatan sa tibouk Mindanao.
Nagpabiling mapanganuron ang Cagayan de Oro karong orasa.
Nagpabiling mapanganuron sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Nagpabiling mapanganuron usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
