6:00 AM 21SEPT2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa gibantayang Bagyo (Severe Tropical Storm) “NIMFA” anaa na GAWAS sa PAR; kini adunay gilay-ong 705 km Amihanang-sidlakan (Northeast) nga bahin sa Basco, Batanes; kakusgong 110 kph ug paglihok nga 25 kph Amihanan Amihanang-kasadpan (North Northwest) ganihang 4:00 sa buntag.
Ang tibouk Mindanao dili direktang apektado sa Habagat (Southwest Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa patak-patak nga pag ulan tungod sa “localized” thunderstorms.
Kasarangan (moderate) ngadto na sa kusog (strong) nga hangin ang magagikan sa Habagatang-kasadpan (Southwest) maoy mo-resulta sa 1.2 – 2.8 meters nga balud sa kadagatan sa tibouk Mindanao.
Forecast Position:
24 Hour(Tomorrow morning): 1,115 km North Northeast of Basco, Batanes (OUTSIDE PAR).
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
