5:45 PM 30SEP18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA alas 4:00 sa hapon kagahapong adlawa, walay bagyo o Low Pressure Area (LPA) sulod sa Philippine Area of Responsibility (PAR), apan adunay gibantayang Bagyo (International name Severe Tropical Storm “KONG-REY”) nga anaa GAWAS sa PAR sa gilay-ong 1,615 km Sidlakan (East) nga bahin sa Southern Luzon; kakusgong 110 kph ug paglihok nga 20 kph Amihanang-kasadpan (Northwest) alas 3:00 sa hapon kagahapong adlawa.
Kini posibiling mo-sulod sa PAR karong adlawa, Lunes (October 1) sa gabii o Martes (October 2) sa buntag ug paganganlang Bagyong “QUEENIE”.
Ang Bagyong (STS) KONG-REY dili direktang maka-apekto sa tibuok nasud.
Ang Northern Mindanao dili apektado sa Trough sa Bagyong (STS) KONG-REY apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) ngadto sa Kasadpan (West) maoy mo-resulta sa 0.6 – 2.1 meters nga balud sa kadagatan sa Northern Mindanao.
Samtang
10:45 PM 30SEP18
Gipahibalo usab sa CDRRMD nga basi sa pahimangno sa PAGASA alas 10:35 kagabii, gi-wala na ang tanang Thunderstorm Advisories sa tibuok Mindanao.
Walay pag ulan sa Cagayan de Oro karong orasa.
Mapanganuron ang ubang parti sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Mapanganuron usab ang ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
