Weather Update! Bagyong Rolly ug Atsani, padayong gibantayan sa PAG-ASA

PC: CDRRMD / PAG-ASA

5:55 AM 31OCT2020

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa gibantayang Bagyong (Typhoon) “ROLLY” anaa na sa gilay-ong 655 km Sidlakan Amihanang-sidlakan (East Northeast) nga bahin sa Virac, Catanduanes; kakusgong 215 kph; ug paglihok nga 20 kph Kasadpan (Westward) ganihang 4:00 sa buntag.

 

Samtang ang sentro sa gibantayang Bagyong (Tropical Depression) “ATSANI” gawas sa Philippine Area of Responsibility (PAR) anaa na sa gilay-ong 1,605 km Sidlakan (East) nga bahin sa Visayas; kakusgong 55 kph; ug paglihok nga 25 kph Kasadpan Amihanang-kasadpan (West Northwestward) ganihang 4:00 sa buntag. Ang bagyo posibling mo-sulod sa PAR ugma (November 01) sa hapon ug DAKO ang tsansa nga mo-kusog balik ngadto sa Tropical Storm sulod sa 24 – 48 ka oras.


 

Ang Northern Mindanao dili apektado sa Northeasterly Surface Windflow apan makasinati sa madag-umon nga kalangitan inubanan sa katag-katag nga pag ulan, kilat ug pagpanalugdog tungod sa Trough o Extension sa Bagyong (Typhoon) “ROLLY”.

 

Forecast Positions:

– 24 Hour(Tomorrow morning): 110 km Northeast of Virac, Catanduanes

– 48 Hour(Monday morning):50 km West of Iba, Zambales

– 72 Hour(Tuesday morning): 545 km West of Iba, Zambales (OUTSIDE PAR)

– 96 Hour(Wednesday morning):910 km West of Central Luzon (OUTSIDE PAR)

 

Hinay (light) ngadto sa kasarangan (moderate) nga hangin gikan sa Amihanang-kasadpan (Northwest) ngadto sa Habagatang-kasadpan (Southwest) maoy mo-resulta sa 0.6 – 2.5 meters nga balud sa kadagatan sa tibuok Mindanao.

 

Nagpabiling madag-umon ngadto hinay (light) nga pag ulan ang nasinati sa ubang parti sa Cagayan de Oro karong orasa.

 

Nagpabiling madag-umon ngadto hinay (light) nga pag ulan ang nasinati sa ubang parti sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Nagpabiling madag-umon ngadto hinay (light) nga pag ulan usab ang nasinati sa ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments