5:40 AM 21NOV2019
Gipahibalo sa City Disaster Risk Reduction and Management Department o CDRRMD nga basi sa Daily Weather Forecast sa PAGASA ganihang 4:00 sa buntag, ang Bagyong “SARAH” mikusog ug nahimong nang Severe Tropical Storm. Ang sentro sa bagyo anaa sa gilay-ong 425 km Sidlakan Amihanang-sidlakan (East Northeast) nga bahin sa Aparri, Cagayan; kakusgong 95 kph; ug paglihok nga 25 kph Amihan Amihanang-kasadpan (North Northwest). Samtang ang gibantayang Low Pressure Area (kanhing Bagyong Ramon) adunay gilay-ong 110 km Kasadpan (West) nga bahin sa Subic, Zambales ganihang 4:00 sa buntag.
Ang tibuok Mindanao dili direktang apektado sa Bagyo ug LPA apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin ang magagikan sa Sidlakan (East) ngadto sa Habagtang-sidlakan (Southeast) maoy mo-resulta sa 0.6 – 2.1 meters nga balud sa kadagatan sa tibuok Mindanao.
Forecast Position (STS SARAH):
– 24 Hour(Tomorrow morning): 205 km Northeast of Basco, Batanes
– 48 Hour(Saturday morning):400 km North Northeast of Basco, Batanes
– 72 Hour(Sunday morning): 925 km North Northeast of Basco, Batanes (OUTSIDE PAR)
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
