5:15 AM 04NOV2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa gibantayang Bagyong (Tropical Storm) “SIONY” anaa na sa gilay-ong 700 km Sidlakan (East) nga bahin sa Basco, Batanes; kakusgong 85 kph; ug hinay nga paglihok sa Habagatan Habagatang-kasadpan (South Southwest) ganihang 3:00 sa buntag. Ang bagyo posibling mo-kusog sulod sa 24 ka oras ug DAKO ang posibilidad na mo-landfall sa Extreme Northern Luzon karong Huwebes (05 November) sa gabii o Biyernes (06 November) sa buntag.
Ang tibuok Mindanao dili apektado sa Bagyong (Tropical Storm) “SIONY”; ug Northeasterly Surface Windflow apan makasinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan tungod sa “Localized Thunderstorms”.
kasarangan (moderate) ngadto sa kusog (strong) nga hangin gikan sa Habagatang-kasadpan (Southwest) ngadto sa Kasadpan (West) maoy mo-resulta sa 1.2 – 2.8 meters nga balud sa kadagatan sa tibuok Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Walay pag ulan usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
