5:50 AM 09NOV2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang gibantayang Bagyong (Tropical Depression) “TONYO” mikusog ug nahimo nang Tropical Storm ganihang 2:00 sa buntag ug anaa na GAWAS sa Philippine Area of Responsibility (PAR) ganihang 4:00 sa buntag. Ang sentro sa bagyo anaa na sa gilay-ong 710 km Kasadpan (West) nga bahin sa Calapan City, Oriental Mindoro (GAWAS sa PAR); kakusgong 65 kph; ug paglihok nga 30 kph Kasadpan (Westward) ganihang 4:00 sa buntag.
Samtang ang sentro sa gibantayang Bagyong (Tropical Depression) “ULYSSES” anaa sa gilay-ong 800 km Sidlakan (East) nga bahin sa Surigao City, Surigao del Norte; kakusgong 45 kph; ug paglihok nga 15 kph Amihanang-kasadpan (Northwestward) ganihang 3:00 sa buntag. Ang Bagyo posibling mo-landfall sa Bicol Region karong Miyerkules (November 11) ug DAKO ang tsansa nga mo-kusog ngadto sa Tropical Storm sulod sa 24 – 36 ka oras ug DAKO usab ang tsansa nga mo-kusog ngadto sa Typhoon karong Miyerkules (November 11) sa dili pa mo-landfall.
Ang Northern Mindanao dili apektado sa Bagyong (Tropical Depression) “ULYSSES”; Easterlies; Tail-end of a Cold Front; ug Trough o Extension sa Bagyong (Tropical Depression) “ULYSSES” apan makasinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “Localized Thunderstorms”.
Forecast Positions (Tropical Storm “TONYO”):
– 24 Hour(Tomorrow morning): 1,215 km West of Southern Luzon (OUTSIDE PAR)
Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) ngadto sa Habagatang-sidlakan (Southeast) maoy mo-resulta sa 1.2 – 2.5 meters nga balud sa kadagatan sa tibuok Mindanao.
Nagpabiling mapanganuron ang Cagayan de Oro karong orasa.
Nagpabiling mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Nagpabiling mapanganuron usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
