5:00 PM 31OCT18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA alas 4:00 kagahapon sa hapon, ang Bagyong TROPICAL STORM “YUTU” (kanhing “ROSITA”) naa na GAWAS sa Philippine Area of Responsibility (PAR).
Ang sentro sa bagyo adunay gilay-ong 325 km Kasadpan (West) nga bahin sa Laoag, Ilocos Norte ; kakusgong 85 kph ug paglihok 15kph Kasadpang Amihanang-kasadpan (West Northwest) alas 3:00 kagahapon sa hapon.
Ang Northern Mindanao dili apektado sa Trough sa Bagyo apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Habagatan (South) maoy mo-resulta sa 0.6 – 2.1 meters nga balud sa kadagatan sa Northern Mindanao.
Posibling maka-sinati sa pag ulan ang Cagayan de Oro.
Madag-umon ngadto sa hinay (light) nga pag ulan Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)
Madag-umon ngadto sa hinay (light) pag ulan usab ang nasinati sa Talakag ug Baungon karong orasa.
(Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
