6:25 AM 7AUG18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang duha ka Low Pressure Area (LPA) sulod sa Philippine Area of Responsibility (PAR).
Ang gibantayang LPA nga anaa sa gilay-ong 620 km Amihanang-sidlakan (Northeast) nga bahin sa Basco, Batanes WALAY direktang epekto sa nasud ug mo GAWAS kini sa PAR sulod sa 24 oras.
Samtang ang laing LPA nga anaa sa gilay-ong 95 km Kasadpan Amihanang-kasadpan (West Northwest) nga bahin sa Calapan City, Oriental Mindoro maoy naka apekto sa ubang parti sa nasud ganihang 3:00 sa buntag.
Ang Northern Mindanao dili apektado sa duha ka LPA ug Habagat (Southwest Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) maoy mo-resulta sa 0.6 – 2.1 meters nga balud sa kadagatan sa Northern Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Walay natala nga pag ulan usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
