5:45 AM 05OCT2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay DUHA ka Low Pressure Area (LPA) sulod sa Philippine Area of Responsibility (PAR).
Ang unang gibantayan nga LPA anaa sa gilay-ong 360 km Sidlakan Amihanang-sidlakan (East Northeast) nga bahin sa Virac, Catanduanes. Samtang ang ikaduhang LPA adunay gilay-ong 425 km Kasadpan (West) nga bahin sa Sangley Point, Cavite City ganihang 3:00 sa buntag.
Ang Northern Mindanao dili apektado sa duha ka LPA apan magpabiling makasinati sa madag-umon nga kalangitan inubanan sa katag-katag nga pag ulan, kilat ug pagpanalugdog tungod sa Habagat (Southwest Monsoon).
Hinay (light) ngadto sa kasarangan (moderate) nga hangin gikan sa Kasadpan (West) ngadto sa Habagatang-kasadpan (Southwest) maoy mo-resulta sa 0.6 – 2.1 meters nga balud sa kadagatan sa tibuok Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich karong orasa. (Kining mga lugara maao ang tinubdan sa tubig nga makapabaha sa Lapasan paingon sa Bugo).
Walay pag ulan usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
