5:20 AM 26FEB19
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) SULOD sa Philippine Area of Responsibility (PAR).
Ang Northern Mindanao nagpabiling apektado sa Amihan (Northeast Monsoon) ug tungod niini maka-sinati sa panalagsang pagdag-um ngadto sa mapanganuron nga kalangitan.
Samtang ang gibantayang Bagyo (International name TYPHOON “WUTIP”) GAWAS sa PAR anaa na sa gilay-ong 1,830 km Sidlakan (East) nga bahin sa Southern Luzon; kakusgong 190 kph; ug hinay nga paglihok sa Amihan Amihanang-kasadpan (North Northwest) ganihang 3:00 sa buntag.
Ang Bagyong Wutip posibling mo-sulod sa PAR karong Huwebes (February 28) apan walay direktang epekto sa nasud.
Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) nga maoy mo-resulta sa 0.6 – 2.1 meters nga balud sa kadagatan sa Northern Mindanao.
Walay natala nga pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
