5:25 AM 9MAY2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang gibantayang Low Pressure Area (LPA) sulod sa Philippine Area of Responsibility (PAR) anaa na sa gilay-ong 890 km Sidlakan (East) nga bahin sa Davao City ganihang 3:00 sa buntag.
Ang tibuok Mindanao dili apektado sa LPA apan maka-sinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan ug pagdalugdog tungod sa Easterlies.
Hinay (Light) ngadto sa Kasarangan (moderate) nga hangin gikan sa Amihanang-sidlakan (Northeast) ngadto sa nagkalain-lain nga direksyon maoy mo-resulta sa 1.5 meters nga balud sa kadagatan sa Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich.(Kining mga lugara mao ang tinubdan sa tubig nga makapabaha sa Lapasan paingon sa Bugo).
Walay pag ulan usab sa Talakag ug Baungon.(Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
