5:50 PM 15MAR19
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA alas 4:00 kagahapon sa hapon, walay bagyo o Low Pressure Area (LPA) SULOD sa Philippine Area of Responsibility (PAR).
Samtang ang LPA nga anaa GAWAS sa PAR nahimo nang BAGYO o Tropical Depression (TD) ug anaa sa gilay-ong 1,815 km Sidlakan (East) nga bahin sa Mindanao.
Kini dunay kakusgong 45 kph ug nagalihok 25 kph sa Kasadpan (West) nga bahin ganihang 2:00 sa hapon.
Ang Bagyo (TD) posibling mo-sulod sa PAR karong Sabado (March 16) sa gabii o Dominggo (March 17) sa buntag ug nganlang “CHEDENG”.
Ang Northern Mindanao dili apektado sa Bagyo, Tail-End of a Cold Front ug Amihan apan maka-sinati sa panalagsang pagdag-um ngadto na sa mapanganuron nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Kasarangan (moderate) nga hangin gikan sa Sidlakan (East) ngadto sa Amihanang-sidlakan (Northeast) maoy mo-resulta sa 1.2 – 2.1 meters nga balud sa kadagatan sa Northern Mindanao.
Ang ubang parti sa Bukidnon (Cabanglasan) naka-sinati sa kusog (heavy) nga pag ulan inubanan sa kilat ug kusog nga hangin epekto sa thunderstorms sulod sa 1-2 ka oras basi sa pahimangno sa PAGASA ganihang 5:45 sa hapon.
Walay pag-ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
