5:20 PM 09OCT18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA alas 4:00 kagahapon sa hapon, walay bagyo apan adunay gibantayang Low Pressure Area (LPA) SULOD sa Philippine Area of Responsibility (PAR) nga anaa sa gilay-ong 785 km Sidlakan (East) nga bahin sa Basco, Batanes alas 3:00 kagahapon sa hapon.
Ang LPA nagpabiling GAMAY ang posibilidad nga mamahimong bagyo.
Ang Northern Mindanao dili apektado sa LPA ug Easterlies apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Sidlakan (East) maoy mo-resulta sa 0.6 – 2.1 meters nga balud sa kadagatan sa Northern Mindanao.
10:50 PM 09OCT18
Samtang matud usab sa CDRRMD nga basi sa pahimangno sa PAGASA alas 10:00 kagabii, ang Northern Mindanao GAMAY ang posibilidad nga maka-sinati sa pag ulan, kilat ug pagpanalugdog (thunderstorms) sulod sa 6 oras.
Gi-wala na ang tanang Thunderstorm Advisories sa tibuok Mindanao basi sa pahimangno sa PAGASA alas 10:45 kagabii.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
