5:55 AM 17JAN19
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) SULOD sa Philippine Area of Responsibility (PAR).
Ang tibouk dapit sa Mindanao apektado sa Amihan (Northeast Monsoon) ug tungod iniini makasinati kita sa panalagsang pagdag-um ngadto na sa mapanganuron nga kalangitan inubanan sa pat-ak pat-ak nga hinay nga pag ulan.
Samtang ang gibantayang LPA nga anaa GAWAS sa PAR adunay gilay-ong 2,395 km Sidlakan (East) nga bahin sa Hinatuan, Surigao del Sur ganihang 3:00 sa buntag. Ang LPA posibling mo-sulod sa PAR ugma sa hapon o gabii (January 18) ug GAMAY ang posibilidad nga mamahimong bagyo.
Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) maoy mo-resulta sa 0.6 – 2.1 meters nga balud sa kadagatan sa Northern Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay natala nga pag ulan usab sa Talakag ug Baungon karong orasa.
(Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
