5:25 AM 23JAN2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Ang tibuok Mindanao nagpabiling apektado sa Amihan (Northeast Monsoon) ug tungod niini maka-sinati sa panalagsang pagdag-um ngadto na sa madag-umon nga kalangitan inubanan sa hinay nga pag ulan.
Kasarangan (moderate) ngadto sa kusog (strong) nga hangin gikan sa Amihanang-sidlakan (Northeast) ngadto sa Sidlakan (East) maoy mo-resulta sa 1.5 – 2.8 meters nga balud sa kadagatan sa Mindanao.
Madag-umon sa Cagayan de Oro karong orasa.
Madag-umon sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Madag-umon usab sa Talakag ug Baungon. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
